विळखा रेव्हचा....

 www.24taas.com, मुंबई
 
महानगरीत खुलेआम होतायत रेव्ह पार्ट्या
पुन्हा सक्रिय झालंय ड्रग माफियांचं नेटवर्क
नशेच्या विळख्यात अडकतेय तरुणाई..
छापा मारुनही कसे सुटतायत लक्ष्मीपुत्र  ?
विळखा रेव्हचा...  
 
जूहूच्या ओकवूड हॉटेलमध्ये रेव्ह पार्टीचा रंगात आलेला खेळ पोलिसांच्या छाप्यामुळे उध्वस्त झालाय... कालपर्यंत वेशीबाहेरचा धिंगाणा आता मध्यवस्तीत सुरु झालाय.. बॉलिवूड आयपीएल आणि ड्रग तस्करांच्या कनेक्शनमुळे रेव्ह पार्टीचा रंग बेधुंदीत मिसळुन गेला होता.. आणि आता या पांढरपेशाचा चेहरा जगासमोर उघड झाल्यावर आम्ही त्या गावचे नव्हेच अशी भाषा सुरु झालीय. मुंबईत एकीकडे रविवारचा मुड  एन्जॉय करत असताना दुसरीकडे त्याच मुंबईच्या जुहूत एका हॉटेलमध्ये सुरु होता धिंगाणा...  मुखवट्याच्या चेह-याआड दडलेला सभ्यतेचा मुखवटा बेधुंद होऊन नाचत होता.. काणठळ्या बसवणारे संगीत, अंधाराला चिरत जाणारा रंगीबेरंगी प्रकाशाची किरणे.. आणि सोबतीला नशेचा कैफ चढवणारी अंमली पदार्थाची लय़लूट.. बाहेरच्या श्रमजीवी जगाचा विसर पडलेली लक्ष्मीपुत्रांच्या धेंडाचा हा असा रेव्ह पार्टीचा धिंगाणा सुरु होता.. पण त्याचवेळी याच टिप मिळालेल्या मुंबई पोलिसांचा छापा पडला आणि त्या अंधारात सभ्यतेच्या मुखवटे गळून पडले...
 
जुहू येथील  ओकवूड ह़ॉटेलमध्ये सुरु असलेल्या रेव्ह पार्टीवर छापा मारला अन पोलिसांनी 100 पेक्षा जास्त मुला मुलीना ताब्यात घेतलं.. या पार्टीत अनेक विदेशी मुलीचाही समावेश होता.. पण या सर्वाची ज्यावेळी ओळखपरेड सुरु झाली त्यावेळी समोर आले अनेक नामाकिंत चेहरे.. रेव्ह पार्टीचे आयपीएलपासून बॉलीवुडपर्यतचे कडवं वास्तव.. सांगितीक कैफ अशा या पार्टीचं स्वरुप दिसलं ते नशेची रंगीन दुनियेसारखेच.. या पार्टीत नशेबाजाकडून 110 ग्रॅंम कोकन, मॅंड्रेक्स, एमडीएमए , एक्ससीच्या गोळ्या आणि चरसही जप्त करण्यात आलंय.. रेव्ह पार्ट्यांचे आयोजन हे पुर्वी शांत आणि निवांत अशा ठिकाणी व्हायचे. मात्र आता पोलिसांची दिशाभुल करण्यासाठी पुन्हा एकदा ड्रग तस्करांनी महानगरांचीच निवड केल्याचं उघड झालय.. आणि यासाठी पुन्हा एकदा सोशल नेटवर्कीग साईटसच वापर करण्यात आला होता.. याची निमंत्रणपत्रिकाही फेसबूकवरुन फिरत होती. या रविवारच्या सूर्योदयापासून आपण एकत्र भेटण्याचे डिझायनर हिप्पीजस, युनायटेड बीटस रेकॉर्डस. युएसए यानी ठरवलय. आपण सारे एकत्र येऊया,आणि एका वेगळ्या उंचीवर जाऊया.. कृपया यापासून पळू नका.. कारण पळण हा मोह आहे, वास्तव नाही. आणि म्हणूनच एकत्र येऊया आणि एक नवी शक्ती अनुभवा. मुंबईत जुहूच्या ओकवूड हॉटेलमधल्या रेव्ह पार्टीप्रकरणी हॉटेलचा डायरेक्टर विषय हांडा याला अटक करण्यात आली आहे.
 
हांडा यानंच ही पार्टी आयोजित केल्याचं उघड झाल्यानं एनडीपीएस कायद्यांतर्गत अटक करण्यात आलीय. हांडानं रेव्ह पार्टीचं इन्व्हीटेशन फेसबूकवरून पाठवल्याचंही चौकशीत निष्पन्न झालंय. या पार्टीत राहुल शर्मा आणि वेन पार्नेल हे आयपीएलचे खेळाडूही असल्याचं समोर आलं होते... पुणे वॉरियर्सच्या राहुल शर्मानं आणि व्हेन पार्नेलने आपण निर्दोष असल्याचा दावा केलाय.. तर आपण वाढदिवसाच्या पार्टीला गेल्याचा दावा शिल्पा आणि तिचा पती अपूर्व अग्निहोत्रीने केलाय. सारवासारव, चेहरा लपवणे, मी त्या गावाचाच नव्हेच अशी भाषा आता सुरु झालीय, मात्र या रेव्ह पार्टीत बॉलिवूड आणि आयपीएलचा  संगम पुन्हा एकदा पाहायला मिळालाय. आजपर्यतं महानगरांपासून पळणारे सभ्यतेचे मुखवटे वापरणारे आता थेट महानगरीमध्येच रेव्ह पार्ट्यांचे आयोजन करु लागलेयत.. छापा मारला म्हणून स्वताची पाठ थोपटत बसायचं कि, या रेव्ह पार्ट्या आता महानगरातही खुलेआम सुरुच झाल्यायत याचा विचार पोलिसांनीच करावा. जुहूच्या ओकवूड हॉटेलात छापा मारुन पोलिसांनी रेव्ह पार्टीचा पर्दाफाश केलाय..कायदा आणि सुव्यवस्थेची भाषा करणा-यानी रेव्हच्या वाढत्या पार्ट्याकडं खरोखरच  गांभिर्याने पाहण्याची वेळ आलीय.
 
पुरोगामी महाराष्ट्राच्या कायदा आणि सुव्यस्थेवर पुन्हा एकदा प्रश्नचिन्ह निर्माण झालय.. महाराष्ट्रात होणा-या रेव्ह पार्ट्यानी पुन्हा एकदा पोलिसांनीच आरोपीच्या पिंज-यात उभ केलय.. जुहूच्या ओकवूड प्रिमीय़र हॉटेलमध्ये संडे एन्जॉय करण्यासाठी आलेल्या लक्ष्मीपुत्रांच्या मुसक्या पोलिसांनी आवळल्यायत.. तरी पण काही सवाल मात्र यानिमित्ताने पुन्हा पोलिसांवरच उपस्थित केले जातायत..  मुंबईसारख्या गजबजलेल्या महानगरीत रेव्ह पार्ट्यांचे आयोजन करुन माफियांनी आव्हानच निर्माण केलय.. जुहूच्या रेव्ह पार्टीत आयपीएलच्या खेळाडूपासून ते बॉलीवुडच्या अभिनेत्रीपर्यत अनेक कनेक्शन उघड झालीय.. आणि काळ्या रात्रीत थिरकणारे सफेद मुखवटे पुन्हा एकदा जगासमोर आलेय़त... या रेव्ह पार्टीतून 100 तरुण तरुणींना पोलिसांनी ताब्यात घेतलंय. त्यात अनेक विदेशी मुलींचा समावेश होता यावरून या नेटवर्कची कल्पना येईल. पण या महाराष्ट्रात हा प्रकार काही पहिलाच नाहीय.. या अगोदरही असे प्रकार घडूनही  त्यावेळी झालेल्या डोळेझाकपणामुळेच आज हे प्रकार वारंवार घडतायत.
 
*6 मार्च 2007 साली पुण्यात सिंहगडाच्या पायथ्याशी डोंजे गावात झालेली पार्टी ही रेव्ह पार्टी असल्याचं उघड झाल.. आणि सा-यानाच धक्का बसला..या पार्टीतल्या 280 जणांना ताब्यात घेण्यात आलं होतं.. त्यानंतर मिळालेल्या वैद्यकिय अहवालानूसार त्यातील 249 जणांनी अंमली पदार्थाचे सेवन केल्याचे उघड झाले होते.
 
* 2007 मध्य़े जुहू येथे एका रेव्ह पार्टीवर छापा टाकत, तब्बल अडीजशे तरुण तरुणीना ताब्यात घेण्यात आले होते. या छाप्यात मोठ्या प्रमाणात अंमला पदार्थाचा साठा साप़डला होता..
 
* 6 ऑक्टोबर 2008 ला जुहू जवळच्या बॉम्बे 72 डिग्री वेस्ट या पबवर छापा मारुन पोलिसांनी अंमली पदार्थ विक्रीप्रकरणी नऊ जणांना ताब्यात घेण्यात आलं होतं. तर या पार्टीत थिरकणा-या 239 जणांवरही कारवाई करण्यात आली होती.
 
* 2 ऑगस्ट 2010 ला पुणे - सोलापूर रोडवरील थेऊर या फार्म हाऊसमध्ये रेव्ह पार्टीचा प्रकार घडला होता. या छाप्यात पुण्यातील सिम्बोयासिस कॉलेजमधील 254 मुले आणि 254 तरुणी ताब्यात घेण्यात आलं होत. यातील 90 जण दोषी आढळले होते..
 
*28 जून 2011 ला रायगडच्या मांऊट व्ह्यु रिसोर्टवर रेव्ह पार्टीमध्ये पोलिस निरिक्षक अनिल जाधवसह ताब्यात घेतलेल्या 65 जणांनी  अंमली पदार्थाचे सेवन केल्याचे उघड झालं होते. यातही बॉलीवुड कुटुंबियातील सदस्याचा सहभाग होता.. या रेव्ह पार्ट्यानी आता पुन्हा एकदा वर्षभरांनी डोकं वर काढलय.. हा विषारी फणा समुळ ठेचण्याची गरज निर्माण झालीय