इंडिया @ 13

www.24taas.com, मुंबई

इंडिया @ 13..वरवर पाहता हे भलेही टिनएजर्स शाळकरी मुलं आहेत. पण हिच मुलं देशाचे भविष्य आहेत. उद्याचा भारत कसा असेल. कसा दिसेल.. हे यांच्याकडून कळू शकेल..तेव्हा नव्या वर्षाच्या सुरुवातीला आम्ही अशाच काही टीनएजर्सच्या जीवनशैलीची तुम्हाला ओळख करुन देणार आहोत...वाय टू केच्या काळात म्हणजेच २००० साली ज्यांचा जन्म झाला आणि आता २०१३मध्ये त्यांनी १३ व्या वर्षात पदार्पण केलंय..मुंबईतील काही अशाच टीनएजर्सकडून आम्ही जाणून घेण्याचा प्रयत्न केला...

मित्र- मैत्रिणी एकत्र आले म्हणजे धमालमस्ती ठरलेलीच. पूर्वीही मुलं मित्र किंवा मैत्रिणीसोबत फिरायला जात असतं.पण आजच्या टीनएजर्सने फिरायला जाण्याचा ट्रेंड बदलून टाकला आहे...मित्र किंवा मैत्रिणीच्या घरी जाण्याचा पूर्वीचा प्रकार आता कमी झाला आहे...कारण एसएमएस, गुगल चॅट, व्हॉट्सअप,फेसबुक,ट्वीटरवरुनच गप्पा होतात..त्यातही अनेक वेळा ह्यूमन चॅटसाठी व्ही़ड़ीओ मेसेजेचा वापर केला जातो. कळलं नाही ना ? खरं तर तुम्हाला ते कळणार नाही..कारण ही आजच्या पिढीची भाषा आहे...पण आम्ही तुम्हाला ती समजावून सांगणार आहोत..

श्राबोनी नावच्या मुलीसाठी एक मेसेज आहे..पण तिचं नाव आता श्रब्स असं उच्चारलं जातंय.तसेच संध्याकाळी सात वाजता मॉलमध्ये भेटण्यासाठी तिला मैत्रिणीने बोलवलं आहे.गॅझेटच्या युगातील टीनएजर्सची ही नवी भाषा आहे...आणि या भाषेत त्यांचा आपसात संवाद सुरु असतो..


गॅजेटस, ब्रॅडस आणि स्टाईल.. टीनएजर्ससाठी हे सारं महत्वाच ठरत .. आपला लुकच नाही तर फर्स्ट लुकही त्यांच्यासाठी नेहमीच महत्वाचा असतो.त्यामुळेच प्रत्येक ऋतूसोबत त्यांचा लुक आणि ट्रेंडही बदलत असतो...या नव्या वर्षात त्यांनी कोणता ट्रेंड निवडलाय त्यावर एक नजर टाकूया...

स्टायलिस्ट आणि ट्रेंडी दिसण्यासाठी काय करायला हवं हे स्टुडंट्सना चांगलच माहित आहे..हिवाळ्यात कोणतं जॅकेट आणि स्कार्फ घातल्यानंतर स्टायलिश लुक येईल हे यांच्यापेक्षा दुसरं कोणीच सांगू शकणार नाही..

कॉलेज बॅग असो की शूज अथवा टॅट्यू हे सगळं काही ट्रेंडी आहे..ही आहे नव्या पिढीचं प्रतिनिधीत्व करणारी तरुणी ... हिवाळ्यात मेकअपसाठी कलर, आयलायनर, काजळ, हेअर कलर यांचा वापर या टीनएजर्सकडून सर्रास केला जातो..आणि या सगळ्या गोष्टींवर त्या आपल्या पॉकेटमनीमधून खर्च करतात...


मुलांप्रमाणेच या मुलीही शिक्षणापासून ते गॅझेटपर्यंत सगळ्यात बाबतीत मॉडर्न आहेत.त्या सतत स्वताला अपडेट ठेवतात...सोशल नेटवर्किंग साईट्स वरुन मुक्तपणे आपलं मत व्यक्त करत असतात.आणि हेच उद्याचं भविष्य आहे..

टीनएजर्सच्या संवादाची भाषाही आता पुर्ण हायटेक झालीय.. फेसबुक आणि ट्विटरवर शॉर्टकट मध्ये लिहीले जाणारे हे शब्द आता परवलीचे शब्द बनलेत.. त्यांचा एकच फंड़ा असतो.. कम्युनिकेशन हे फास्ट आणि क्लिअर असलं पाहिजे.. पण हे केवळ त्यांनाच कळते. कारण ती असते त्यानाच समजणारी भाषा..

टीन एज अर्थात बालवय...पण हे टीनएजर्स काही साधेसुधे नाहीत..त्यांची भाषा वेगळी आहे..त्यांचे ट्रेंड वेगळे आहेत..तसेच त्यांचा दृष्टीकोनही वेगळा आहे...त्यांचा विचार जाणून घ्यायचा असेल तर तुम्हाला त्यांच्या मेसेजेवर नजर टाकावी लागेल.. आभ्यासात हे टीनएजर्स जराही मागे नाहीत..प्रत्येक परीक्षेत ते चांगल्या मार्काने उत्तीर्ण होतात...पण या पिढीने आपली खास अशी भाषा तयार केली आहे. नव्या पिढीने जणू हे नवविश्व तयार केलं आहे...हे विश्व तुमच्या आमच्यासाठी अनोखं असलं तरी टीनएजर्ससाठी ते ओळखीच आहे.

हेल्थ, फिटनेस, गॅझेटस केवळ यांनीच नाही तर सोशल नेटवर्किगं साईटसनी टिनएजर्सना सोशलाईट बनवलंय... आणि आज जर आपण मागील काही दिवसातल्या घटनांवर नजर टाकल्यास सामाजीक व्य़वस्थेविरुद्धच्या असंतोषला वाचा फोडण्यात टिनएजर्स आघाडीवर होते.

ही दृश्य आहेत २००८ मधली.. दिल्लीत कोवळ्या आरुषीच्या खूनानंतर तिच्या मित्र-मैत्रिणींनी कँडलमार्च काढला होता..आरुषीला न्याय मिळावा म्हणून हे टीनएजर्स रस्त्यावर उतरले होते..डीपीएसच्या विद्यार्थ्यांनी कँडलमार्च काढल्यानंतर देशभर त्याचे पडसाद उमटले..ठिकठिकाणी कँडलमार्च काढण्यात आला..

नोव्हेंबर २००८मध्ये मुंबईवर झालेल्या दहशतवादी हल्ल्यानंतर टीनएजर्स मोठ्याप्रमाणात रस्त्यावर आले...तारे -तारकांनीही हातात कँडल निषेध नोंदवला..

त्यानंतर रुचिरा गहरोत्रला न्याय मिळवून देण्यासाठीही मोठ्याप्रमाणात शाळकरी मुलांनी आंदोलन केलं..वर्षाच्या शेवटी दिल्लीत सामूहिक बलात्काराची घटना घडली तेव्हाही या नव्या पीढिने आपला संताप व्यक्त केला..कुठे शाळेच्या पोषाखात तर कुठे ट्रेंडी लूकमध्ये हे टीनएजर्स हातात बॅनर्स घेऊन उभे असल्याच चित्र पहायला मिळालं...आपण केवळ सोशल नेटवर्किंग साईट्स पुरतेच मर्यादीत नसून समाज बदलण्यासाठी वेळप्रसंगी रस्त्य़ावर उतरण्यास तयार असल्याचं त्यांनी दाखवून दिलं..

या पिढीचा विचार नवा आहे...नवी उमेद आहे...कोणतंही काम तडीस नेहण्याची जिद्द आहे..२००० साली नव्या शतकात जन्माला आलेल्या या पिढीकडं ग्लोबलायजेशनची ताकत आहे..मॉडर्न - चेंजिंग वर्ल्डच्या पावलावर पाऊल टाकत ते पुढं जात आहेत..

ते केवळ देशातीलच नाही तर परदेशातील वक्त्यांचे विचार ऐकतात.. जग बदलून टाकण्याची क्षमता आहे अशा व्यक्तिंची पुस्तकं वाचण्यात ते वेळ खर्ची घालातात...


पुस्तकं वाचण्यासाठी या नव्या पिढीला लायब्ररीत जाण्याची गरज भसत नाही..तर हे छोटसं नोटबुकच त्यांची लायब्ररी आहे..शाळा , कॉलेजच्या अभ्यासक्रमाचे सगळे डिटेल्स त्यांना यामध्येच मिळतात....तसेच जगभरातील दिग्गजांच्या विचारांवर आपलं मतही व्यक्त करतात..

नोटबुक आजच्या पिढीसाठी बरचं काही आहे...ते नवी नवीन पुस्तकांचा शोध नोटबुकच्या माध्यमातून घेतात..तसेच पीडीएफ फाईलही डाऊनलोड करुन घेतात..टच स्क्रिनचा वापर करुन टेक्स साईज लहान-मोठी करतात..

हीच उद्याची पिढी असून हेच देशाचं भविष्य आहे....वयाचे १८ वर्ष पुर्ण केल्यानंतर हेच आपले मतदार असणार आहेत याची राजकीयपक्षांना जाण आहे..त्यामुळेच राजकीयपक्षांच्या जाहिरनाम्यात टॅबलेट पीसीने जागा पटकावली आहे...बहुतेक याच पार्श्वभूमीवर देशातील सर्वात स्वस्त टॅबलेटची घोषणा केली गेली असावी..

इंटरनेट आणि टेक्नॉलोजीच्या जगतातील या मिलेनियम बेबीज तुमच्या आमच्या घरातही असतील .. त्यांच्या आजूबाजूची इतकी दुनिया वेगाने वाढतेय की त्यामध्ये आपण फारचं मागे असल्याच तुम्हाला वाटल्याशिवाय राहणार नाही...या विषयी मानसोपचार तज्ज्ञांना काय वाटतंय त्यावर एक नजर...

काळ बदललाय.. आता ए फ़ॉर एप्पल नाही तर ए फॉर एप्पल आयपॅड आणि बी फॉर बॉल नाही तर बरिस्ता .. सी फॉर कॅट नाही तर चॅट ..डि फॉर डॉग नाही तर डिस्क ...होय हेच आहे यांच विश्व.... तुम्ही प्रश्न विचारला तर उत्तर आयपॅडमधूनच मिळेल... कारण आता ही मुलं सुपर मिलेनियम बेबीज आहेत.. यांचया जगात ब्रॅँण्डच्या नावाने ओळखलं जातंय.... यांच्या काळात पाढे नाही तर मोबाईल एप्लिकेशन्स मुखोदगद असतात. 2013 मध्ये 13 वर्षाचे टीनएजर्स हेच देशाचे भविष्य आहेत.. कुछ कुछ होता है सिनेमा जेव्हा रिलीज झाला तेव्हा ही मुलं रांगत होती पण आता ते हर एक फ्रेंड जरुरी होता है... म्हणत आहेत. या टेक्नोसॅव्ही मुलांशी कसा ताळमेळ बसवायचा असा प्रश्न तुम्हालाही प़डला असेल. थ्रीजी वेव्ह प्रमाणे यांची विचार करण्याची क्षमता आहे..एकदम सुपर फास्ट. अवघ जग कवेत घेऊन त्यांना दुनिया बदलायची आहे...