पाहा – 'रणरागिणी'

मृणाल गोरेंना अखेरचा निरोप
 

ज्येष्ठ समाजवादी नेत्या मृणालताई गोरे यांच्या पार्थिवावर ओशिवारा इथल्या स्मशानभूमित अंत्यसंस्कार करण्यात आले. केशव गोरे स्मारक ट्रस्ट इथून त्यांची अंत्ययात्रा निघाली. हजारो शोकाकूल नागरिकांनी मृणालताईंना अखेरचा निरोप दिला.

मृणालताईंचा स्वभाव, राजकीय सामाजिक कारकीर्द याविषयीच्या अनेक पैलूंना मान्यवरांनी उजाळा दिला. सामान्य माणसांच्या प्रश्नांची तड लावणे, त्यांना न्याय मिळवून देणे हेच ज्येष्ठ समाजवादी नेत्या मृणाल गोरे यांचे आयुष्य झाले होते. त्यांच्या जाण्याने एक पोकळी निर्माण झाली. त्यांच्या कार्याची माहिती असणारे आणि त्यांना जवळून पाहिलेल्यापैकी काही मान्यवरांच्या प्रतिक्रिया. त्यांच्यात शब्दात..

मृणाल गोरे यांच्याच शब्दात...लग्न होऊन गोरेगावात आले तेव्हा इथे तर बाबुराव सामंतांच्या नेतृत्वाखाली समाजवादी विचारधारेचं बीज आधीच रुजलं होतं. सामंत आणि बंडू गोरे एकमेकांचे चांगलेच मित्र. त्यामुळे त्यांच्याबरोबर लगेचच इथल्या राजकारणात माझा प्रवेश झाला.

ज्येष्ठ समाजवादी नेत्या मृणाल गोरे यांनी शेवटपर्यंत सामान्यांसाठी लढा दिला. शिक्षण अर्धवट सोडून त्यांनी सामान्यांसाठी आपले आयुष्य वेचले. पाण्यासाठी केलेल्या आंदोलनामुळे 'पाणीवाली बाई' आणि महागाईच्या विरोधात केलेल्या प्रखर आंदोलनामुळे 'लाटणेवाली बाई' म्हणून त्या देशभरात प्रसिद्ध होत्या.