Last Updated: Friday, September 28, 2012, 20:40
www.24taas.com, नवी दिल्लीMMS बनविणे आणि मुलींचे शोषण करणं ह्यात दिवसेंदिवस वाढ होत आहे. अशीच घटना नवी दिल्लीतील मयूर विहार भागात घडली. एका दहावीच्या विद्यार्थिनीला कोल्डड्रिंकमधून गुंगीचा पदार्थ पाजून तिच्यावर अत्याचार केल्याचे प्रकरण उघड झाले आहे.
घटनेच्या वेळी संबंधित युवक तिच्यावर अत्याचार करीत असताना त्याच्या मित्राने या दोघांच्या संबंधाचा एमएमएस बनविला. तसेच त्यानंतर धमकी दिली की जर कोणाला या घटनेबाबत काही सांगितले तर हा एमएमएस सार्वजनिक करेन. अखेर बुधवारी सायंकाळी संबंधित मुलींने न घाबरता आपल्या घरातील मंडळींना याबाबत कल्पना दिली.
याचवेळी संबंधित युवकाने एमएमएस सार्वजनिक केला होता. आता हा आरोपी फरार झाला आहे. पोलिसांच्या माहितीनुसार, पीडित मुलगी १४ ऑगस्टला ती शाळेतून परत येत होती. त्याचवेळी रस्त्यात तिच्या मैत्रिणीचा भाऊ विवेक (22) तिला भेटला. त्यानंतर त्याने तिला आपल्या कारमध्ये बसवले. आणि तिच्यावर अत्याचार केला.
First Published: Friday, September 28, 2012, 20:35
