Last Updated: Tuesday, February 12, 2013, 16:46
www.24taas.com,मुंबईमुंबई विद्यापीठाचे कुलगुरु डॉक्टर राजन वेळुकर वकिली खर्चामुंळ चर्चेत आलेत. नियुक्तीला आव्हान देणा-या याचिका चालवण्यासाठी तीन वकिलांवर कुलगुरुंनी तब्बल ४ लाख ११ हजारांचा खर्च केलाय.
विद्यापीठाच्य़ा वकिलांचे पॅनल असतानाही वेळुकर यांनी खासगी वकिलांना नियुक्त केलयं. माहितीच्या अधिकाराखाली ही धक्कादायक माहिती समोर आलीये. वेळुकर यांच्या नियुक्तीला आव्हान देणा-या तीन वेगवेगळ्या याचिका कोर्टात दाखल आहेत.
या याचिकांवर प्रतिवाद करण्यासाठी विद्यापीठात वकिलांचं एक पॅनल आहे. कुलगुरुंनी या पॅनलवर विश्वास न दाखवता या याचिका चालवण्यासाठी खासगी वकिलांची नियुक्ती केली. या वकिलांच्या फी पोटी त्यांना ४ लाख ११ हजार रुपये फी देण्यात आलीये.
विद्यार्थ्यांसाठीचा पैसा कुलगुरुंच्या न्यायालयीन प्रकरणासाठी का खर्च केला जातोय असा सवाल उपस्थित केला जातोय.
First Published: Tuesday, February 12, 2013, 16:42
