येवल्याची पैठणी आता वर्ल्ड हेरिटेज आयकॉन!

www.24taas.com, झी मीडिया, येवला

पश्चिम घाटाला `वर्ल्ड हेरिटेज साइट`चा दर्जा मिळाल्यापाठोपाठ आता नाशिकमधील येवला आणि औरंगाबादेतील पैठणमध्ये तयार होणाऱ्या पैठण्याही वर्ल्ड हेरिटेज आयकॉनच्या स्पर्धेत उतरल्या आहेत.

युनेस्कोने भारतातील ४८ `प्रस्तावित जागतिक वारसा स्थळांची यादी` नुकतीच प्रसिद्ध केली आहे. त्यामध्ये पैठणीसाठी ओळखल्या जाणाऱ्या येवला आणि पैठणला स्थान मिळाले आहे.

जागतिक वारसा स्थळाचा दर्जा मिळविण्यासाठी भारत सरकारने `युनेस्को`ला ३३ ठिकाणांचे प्रस्ताव पाठविले होते. विशेष म्हणजे या प्रस्तावांशिवाय `युनेस्को`ने स्वतः अजून १५ ठिकाणे निवडली असून एकूण ४८ प्रस्तावित स्थळांची यादी जाहीर केली आहे.

जागतिक वारसा दिनाच्या निमित्ताने `युनेस्को`ने भारताला ही विशेष भेटच दिली आहे! या ठिकाणांमध्ये `आयकॉनिक सारी व्हेविंग क्लस्टर्स`लाही नामांकन असून, यात वैशिष्ट्यपूर्ण कारागिरीची पारंपरिक जपलेल्या साड्यांच्या आठ शहरांचा समावेश आहे. त्यात येवला आणि पैठणही आवर्जून समावेश आहे.


* इतर ताज्या बातम्या सदैव पाहण्यासाठी झी २४ तासला फेसबुकवर जॉइंन करा.

* झी २४ तासला ट्विटरवर फोलो करा.