बोगस व्होटिंग कार्ड प्रकरणी दोघांना अटक

www.24taas.com, नाशिक
 
नाशिक जिल्हाधिकारी कार्यालयात बोगस व्होटिंग कार्ड प्रकरणी अखेर नाशिक पोलिसांनी कारवाई केली आहे. निवडणूक आयोगाने चौकशीचे पाऊल उचल्यानंतर सात दिवसांनी पोलिसांनी दोघांना अटक केली असून चौघांवर गुन्हे दाखल केले आहेत.
 
या प्रकणात सहभागी असलेल्या कन्हय्या परदेसीनेच बोगस व्होटिंग कार्ड तयार करणाऱ्या टोळीचा पर्दाफाश केला होता. त्यानंतर जिल्हाधिकारी कार्यालयातून मतदारांची संपूर्ण माहिती असलेले कम्प्युटर चोरीला जाण्याचा धक्कादायक प्रकार घडला. या सगळ्या प्रकरणामागे राजकारणातल्या दिग्गजांचा सहभाग असल्याची उघड चर्चा आहे.
 
 
दरम्यान महापालिका निवडणूकीतील बोगस ओळखपत्र तयार केल्याचा गौप्यस्फोट करणारा कन्हैया परदेशी उपविभागीय कार्यालयात स्व:तहून हजर झाला. त्याची नाशिकचे उपविभागीय अधिकारी निलेश सागर यांच्या दालनात चौकशी झाली.
 
आता बनावट ओळखपत्र बनवण्याचा ठेका घेतलेल्या विजय कसबे यांचीही चौकशी होणार असून तोही जिल्हाअधिकारी कार्यालयात हजर झाला. बनावट ओळखपत्र बनवण्यात काही सरकारी अधिकाऱ्यांची समावेश असून त्यानं आपल्या जिवाला धोका असल्याचही म्हटलेलं आहे.
 
तसचं पोलिसांनी आपल्याला अटक करावी अशी मागणीही त्यानं केली आहे. त्यामुळे आता बोगस मतदार कार्डांचा विषय पुन्हा एकदा ऐरणीवर आला आहे. आता यात सरकारी अधिकारी काय भुमिका घेणार हे पाहणं महत्त्वाचं ठरणार आहे.