Last Updated: Wednesday, April 25, 2012, 22:55
www.24taas.com, कोल्हापूर कोल्हापुरात विभागीय जात पडताळणी कार्यालयात शिवसेनेनं आंदोलन केलं. लाच घेतल्याशिवाय कामे होत नाहीत, असा आरोप करत कार्यकर्त्यांनी कार्यालयाचे नामकरण लाच पडताळणी कार्यालय असं केलं.
तिथल्या अधिका-यांच्या टेबलावरच दारुच्या बाटल्या ठेवल्या. या कार्यालयावर लाचलुचपत विभागाच्या अधिका-यांनी आत्तापर्यत चार वेळा धाड टाकून कर्मचा-यांना अटक केलीये. तरीही या कार्यालयातली परिस्थिती बदलली नाही. नागरिकांकडून कामे मार्गी लावण्यासाठी पैशांची मागणी केली जात असल्याचा आरोप पालक आणि विद्यार्थ्यांनी केलाय.
दोन-दोन वर्षे जात पडताळणीची कामे रखडवली जात असल्याचा आरोप करत शिवसेनेनं या कार्यालयावर धडक मारली.
First Published: Wednesday, April 25, 2012, 22:55
