अजित पवारांना सत्ता आणि पैशाचा माज आलाय - राज

www.24taas.com, जळगाव

जळगावात भाषणात राज ठाकरेंनी महाराष्ट्रातल्या विविध प्रश्नांवर आपली भूमिका मांडली. यावेळीही राष्ट्रवादी नेते आणि महाराष्ट्राचे उपमुख्यमंत्री अजित पवार यांना राज ठाकरेंनी टार्गेट केलं. इंदापूरच्या भाषणात अजित पवारांनी कमरेखालच्या भाषेत केलेल्या वक्तव्यांचा राज ठाकरेंनी आज खरपूस समाचार घेतला.

“अजित पवारांचं वक्तव्य हे महाराष्ट्रातल्या दुष्काळग्रस्त जनतेची थट्टा आहे. धरणांमध्ये पाणी नाही, तर मी काय त्यात जाऊन मुतू का असं अजित पवार म्हणाले. अजित पवार तुम्हाला निवडणुकीत आता मत नाही मूत मिळणार आहे. महाराष्ट्राची जनता तुमच्यावर मुतणार आहे. त्यात तुम्ही वाहात महाराष्ट्राबाहेर जाल. आणि तुम्हाला थांबवायला बंधारेही नाहीत. तेव्हा तुमच्या लक्षात येईल, की धरणं किंवा बंधारे बांधले असते, तर वाहात एवढं दूर आलो नसतो.” असं आपल्या शैलीत राज ठाकरे म्हणाले.


लोडशेडिंगमुळे महाराष्ट्रात मुलं जास्त पैदा होत आहेत, या अजित दादांच्या वक्तव्यावरही राज ठाकरेंनी टीका करताना म्हटलं की ‘तुझ्याकडे तर लोडशेडिंगशिवाय चालू आहे ना!’...अजित पवारांना सत्ता आणि पैशाचा माज आला आहे, अशी टीका राज ठाकरेंनी अजित पवारांवर केली.