नट्या अटकेत, करीत होत्या वेश्याव्यवसाय

www.24taas.com, पुणे
 
टिव्हीवर झळकणं, प्रसिद्धी मिळविणं ही प्रत्येकाचीच इच्छा असते. आणि तरूणींनी तर जास्तच आकर्षण असतं. अशा तरूणीं यासाठी त्या काहीही करण्यास तयार असतात.   चित्रपट व दूरचित्रवाहिनीवरील विविध  मालिकांतील सहकलाकार मुलींना वाममार्गाला लावणा-या दलाल जोडप्यास पोलिसांनी मंगळवारी रात्री अटक केली. स्मिता धिवार व तिचा पती दिनेश धिवार यांच्यासह मुंबईतील दोन कलाकार मुलीही ताब्यात घेण्यात आल्या.
 
गेल्या अनेक महिन्यांपासून पुण्यात सेक्स रॅकेट्स मोठ्या प्रमाणावर उघडकीस येत आहेत. यात काही टीव्ही अभिनेत्री व परदेशी मुलींचाही समावेश आहे. सामाजिक सुरक्षा विभागाच्या पोलिस उपनिरीक्षक अश्विनी जगताप यांना या रॅकेटबाबत माहिती मिळाली होती. मुंबई येथे बॉलीवूडमध्ये कास्टिगंचे काम करणारे धिवार जोडपे पुणे व मुंबई या ठिकाणी दूरचित्रवाहिनीत काम करणा-या मुलींमार्फत वेश्याव्यवसाय करत आहे. बातमीची खातरजमा करण्यासाठी पोलिसांनी स्मिता धिवारशी बनावट गि-हाइकाच्या माध्यमातून संपर्क साधला.
 
स्मिताने तिचा पती दिनेश याच्या बॅँक खात्यावर १० हजार रुपये भरण्यास सांगितले. त्यानंतर धिवार जोडप्याने मालिकेत काम करणा-या दोन  मुलींसह पुण्यात मंगळवारी रात्री येण्याचे कबूल केले. मुलींसाठी दोन तासांचे प्रत्येकी ५० हजार रुपये घेण्याचे निश्चित केले. त्यानुसार पोलिसांनी शिवाजीनगर भागातील एका हॉटेलवर सापळा रचून दलाल महिला, तिचा पती व दोन मुलींना पिटा कायद्यांतर्गत अटक केली. पोलिसांच्या चौकशीत पंजाबहून आलेल्या मुलीने सांगितले की, मी साडी शो, सलवार कमिजचे शो केले आहते. त्याचबरोबर स्टार प्लस या चॅनलवरील ‘साथीया’ व कलर्स चॅनलवरील ‘ससुराल सिमरन का’ या मालिकांत सहकलाकाराचे काम केले आहे.