तुळजाभवानी मंदिरातील चोराला अटक

ठाण्यात गणेशवाडीतल्या तुळजाभवानीच्या मंदिरात चोरी करणा-या चोराला सीसीटीव्ही फुटेजच्या मदतीनं पोलिसांनी अटक केलीय. काल पहाटे मंदिरात चोरी झाली होती. देवीच्या अंगावरील दोन लाखांचे दागिने चोरून नेण्यात आले होते. त्यानंतर नौपाडा पोलिसांनी तातडीनं सीसीटीव्ही फुटेज तपासलं. त्यात याच परिसरातल्या संतोष गुळेकरनं चोरी केल्याचं निष्पन्न झालं. त्याच्याकडून संपूर्ण मुद्देमालही जप्त करण्यात आलाय.
 
पेशवेकाळीन मंदिरातून दरोडेखोरांनी दीड किलो वजनाची सोन्याची मूर्ती पळवली होती. दोन वॉचमनला मारहाण करून हा दरोडा रात्री घालण्यात आला होता ज्यात एकाचा मृत्यू झाला होता.  दरोडेखोरांनी मूर्तीच्या अंगावर असलेले दागिनेही  चोरले होते. प्राचीन काळापासून प्रसिद्ध असलेलं मंदिर भाविकांच्या श्रद्धेचं ठिकाण आहे. मात्र याच मंदिरावर दरोडा पडल्यानं भाविकांमधून संतप्त प्रतिक्रिया उमटत आहेत.
 
शिवसेनेनं  रायगड बंदची हाक दिली. त्यानंतर घंटानात आंदोलन करताना महाआरती केली. दरम्यान,  शिवसेनेचे कार्याध्यक्ष उद्धव ठाकरे, विधान परिषदेचे विरोधी पक्षनेते विनोद तावडे, मनसे आमदार बाळा नांदगावकर यांनी गणेश मंदिराला भेट देवून पाहाणी केली. तर विनोद तावडे यांनी राज्यभरातील गणेश मंदिरात घंटानाद करण्याचा इशारा दिला होता.

First Published: Saturday, March 31, 2012, 23:57