रेकॉर्डवीर विराट कोहली, सचिनला टाकले मागे

टीम इंडियाचे भविष्य सध्या ‘विराट’ दिसत आहे. दिल्लीचा स्टार प्लेअर विराट कोहलीने ज्या प्रकारे कर्णधारपद सांभाळले, त्यावरून असे दिसते की २०१५ च्या वर्ल्डकपमध्ये आपल्याला आणखी एक लीडर मिळाला आहे.

प्रथम वेस्ट इंडिज आणि आता झिम्बाब्वेच्या विरोधात सेंच्युरी लागावून त्याने असा काही कारनामा केला आहे की तो भारताच्या कोणत्याही दिग्गजाने केलेला नाही.

विराट समोर धावांचे लक्ष्य काही खास नव्हते, परंतु, कर्णधार असताना धैर्याने त्याचा सामान करत आपली लीडरशीप क्वॉलिटी दाखवली ती काही तरी खास होती. अवघड पिचवर सर्व टॉप ऑर्डर फलंदाजांचा स्ट्राइक रेट १०० पेक्षा कमी होता, तेव्हा कोहलीने १०६.४८च्या स्ट्राइक रेटने शानदार शतक झळकावले.
केवळ १०८ चेंडूत 13 चौकार आणि 1 षटकारासह 115 रन बनवले.
या सेंच्युरीने २४ वर्षीय कोहलीने असा एक विक्रम केला की त्याची बरोबरी येणाऱ्या दिवसात कोणी करू शकणार नाही.