सिनेमांमध्ये अभिनेता-अभिनेत्रीच्या रोमान्समध्ये लुडबुडणारा खलनायक अनेक प्रेक्षकांच्या डोक्यात जातो. कोण कुठला, याला काही माणूसकी आहे की नाही, असे प्रेक्षकांच्या तोंडून शब्द बाहेर पडतात. पण याच खलनायकाची जागा सुंदर सडपातळ आणि घायाळ करणारी असले तर! अशाच काहीशा नट्या खलनायकेच्या भूमिकेत पाहायला मिळतात. त्यांची ही खलनायकी भूमिका.
अभिनेता अजय देवगणची पत्नी. ‘गुप्त’ चित्रपटात काजोलने एका स्वार्थी आणि बॅड लवरची भूमिका केली होती. या चित्रपटासाठी तिला फिल्मफ़ेअरचा बेस्ट खलनायचा अवार्ड मिळाला होता. महत्वाची गोष्ट म्हणजे फिल्म फेअरचा बेस्ट अवार्ड घेणारी काजोल पहिली अभिनेत्री होती.
राम गोपाल वर्मा यांच्या ‘प्यार तुने क्या किया’ या चित्रपटातील उर्मिलाची खलनायकाची भूमिका सर्वांचाच चर्चेचा विषय राहिली. या चित्रपटातील तिच्या अभिनयाचे समिक्षकांनी तोंडभरुन कौतुकही केले. या चित्रपटातील अभिनयासाठी फिल्मफेअरमध्ये सर्वोत्कृष्ट खलनायकाचे नामांकनही मिळाले होते.
बी टाऊनची पिग्गी चॉप्स म्हणजे प्रियांका चोप्रा. तिचा ‘ऐतराज’ सिनेमा लेडी खलनायकेसाठी प्रचंड गाजला. तिच्या अभिनयाची दाखल फिल्मफ़ेअर सारख्या अनेक पुरस्कारांनी घेतली.
‘डर्टी’ या सिनेमातून आपल्या अभिनयाची एक वेगळी छाप पाडणारी अभिनेत्री विद्या बालन. तिने ‘इश्किया’ या चित्रपटात खलनायकाची भूमिका केली होती. या चित्रपटाचे बॉक्स ऑफिसवर चांगलेच कौतुक झाले. विद्याच्या अभिनयालाही प्रेक्षकांनी चांगली दाद दिली. तसेच विद्याचा भूलभूलैया या चित्रपटातील ‘मोंजुलिका’च्याही भूमिकानेही प्रेक्षकांच्या मनात चांगलीच भीती निर्माण केली होती.
हिंदी चित्रपटांतून छोट छोट्या भूमिकांमधून सौंदर्यवान या अभिनेत्रींनी आपल्या अभिनयातून खलनायिक रंगवण्याचा प्रयत्न केला आहे. यामध्ये विश्वसुंदरी ऐश्वर्या राय-बच्चन हिचा ‘खाकी’, प्रीती झिंटाचा ‘अरमान’, करिना कपूरचा ‘फिदा’, बिपाशा बासूचा ‘जिस्म’ आणि ‘राज ३’, कैटरीना कैफचा ‘रेस’ आदी चित्रपटाचा विशेषत्वाने उल्लेख करावा लागतो.
