Last Updated: Tuesday, March 6, 2012, 19:52
www.24taas.com, लखनऊ उत्तरप्रदेशमध्ये हत्तीला लोळवलं सिंहासनाच्या सेमीफायनलमध्ये मुलायम सिंह यादव, त्यांचा मुलगा अखिलेश यादव आणि समाजवादी पक्षाची सरशी झालीए. उत्तर प्रदेशात समाजवादी पक्षानं बसपाचा दारुण पराभव करून त्यांना सत्तेवरून खाली खेचलंय. त्यामुळे उत्तर प्रदेशात समाजवादी पार्टीचा सत्तास्थापनेचा मार्ग मोकळा झालाय. सत्ताधारी बसपाची मात्र या निवडणुकीत खूपच पीछेहाट झालीय. भाजपा तिस-या स्थानी असून काँग्रेस चौथ्या स्थानी आहे.
पंजाब मध्ये काँग्रेस हद्दपार पंजाबमध्ये अकाली दल आणि भाजपचा पुन्हा एकदा वरचष्मा राहिला आहे. सलग दुसऱ्यांदा सत्ताधारी पक्षानं सत्तेवर येण्याचा विक्रम पंजाबमध्ये झाला आहे. ४६ वर्षांनंतर हा विक्रम होतो आहे. काँग्रेसला याठिकाणी फटका बसला आहे. मुख्यमंत्री प्रकाश सिंह बादल यांनी जनतेचे आभार मानत विकासाच्या मुद्यावर पुन्हा सत्ता राखण्यात यश आल्याचं म्हटलं आहे.
पाच राज्यातील ट्रेंड – ७.०० वाजता
उत्तर प्रदेश - बसप ८०, सप २२४, काँग्रेस ३७, भाजप ४७, अन्य १५उत्तराखंड- काँग्रेस ३२, भाजप ३१, बसप ३, अन्य ४पंजाब- काँग्रेस ४६, अकाली दल ६८, बसप ०, अन्य ३गोवा - काँग्रेस ९, भाजप २४, अन्य ७,मणिपूर -काँग्रेस ४२, एमपीपी १, अन्य १७ पाच राज्यातील ट्रेंड – ५.०० वाजता
उत्तर प्रदेश - बसप ८०, सप २२४, काँग्रेस ३५, भाजप ४८, अन्य १६ उत्तराखंड - काँग्रेस ३१, भाजप ३२, बसप ३, अन्य ४पंजाब - काँग्रेस ४६, अकाली दल ६८, बसप ०, अन्य ३गोवा- काँग्रेस ९, भाजप २४, अन्य ७,मणिपूर - काँग्रेस ४१, अन्य १७ उत्तर प्रदेशातील विधानसभा निवडणुकीच्या मतमोजणीत सत्ताधारी बहुजन समाज पक्षाला जबरदस्त हादरा बसला असून समाजवादी पक्षाने मुसंडी मारली आहे. समाजवादी पक्षाने २०२ या मॅजिक फिगरच्या पुढे २१६ जागांवर आघाडी घेतली आहे. या सत्तेच्या गणितात सप उत्तर प्रदेशात सरकार स्थापन करणार असून पुढील मुख्यमंत्री मुलायम सिंग होतील, असे समाजवादी पक्षाचे नेते आणि मुलायम सिंग यांचे सुपूत्र अखिलेश यादव यांनी स्पष्ट केले आहे.
उत्तर प्रदेशातील ४०३ जागांपैकी समाजवादी पक्ष २१६ जागांवर आघाडीवर असल्याने त्यांना बहूमत जवळपास मिळाल्याचे चित्र आहे. बसप -८१, भाजप-४७ आणि काँग्रेस ३७ आणि इतर १५ जागांवर आघाडीवर आहेत.
समाजवादी पक्षाला बहुमत मिळाले तर उत्तर प्रदेशचे पुढील मुख्यमंत्री मुलायम सिंगच होणार असल्याचे अखिलेश यादव यांनी स्पष्ट केले.
मायावती देणार राजीनामासपने घेतल्या आघाडीमुळे आपल्या पराभव निश्चित असल्याचे मुख्यमंत्री मायावती यांनी मान्य केले असून आज दुपारी ३ वाजता त्या राज्यपालांना भेटणार आहेत. यावेळी त्या राजीनामा देण्याची शक्यता आहे.
पंजाबमध्ये सलग दुसऱ्यांदा अकाली दलाची सत्ता कायम राहणार असे चित्र असून अकाली दलने ६१ जागांसह आघाडी घेतली आहे. तर त्यामुळे पंजाबमध्ये सत्ता स्थापनेचे काँग्रेसचं स्वप्न धुळीला मिळाले आहे. उत्तराखंडमध्ये भाजप २५ तर काँग्रेस ३६ जागांवर आघाडीवर आहे. मणीपूरमध्ये काँग्रेसने आपली आघाडी कायम राखली आहे.
गोव्यात काँग्रेसनेल विजयाचे खाते उघडले आहे. काँग्रेसचे माविन गुदिनो यांनी दाभोळी मतदार संघातून विजय मिळविला आहे. तर गोव्यात मुरगाव मतदार संघातून भाजपचे मिलिंद नाईक विजय मिळविला आहे. देशात पाच राज्यातील पहिला निकाल हा २४ तास डॉट कॉमने आपल्यापर्यंत पोहचविला आहे.
पाच राज्यातील ट्रेंड – ३.३० वाजता
उत्तर प्रदेश - बसप ९०, सप २१५, काँग्रेस ३७, भाजप ४८, अन्य १५ उत्तराखंड - काँग्रेस ३१, भाजप३१, बसप ४, अन्य ४पंजाब - काँग्रेस ४७, अकाली दल ६७, बसप ०, अन्य ३गोवा- काँग्रेस ८,भाजप २२, अन्य ७,मणिपूर - काँग्रेस ४१, अन्य १७ 
पाच राज्यातील ट्रेंड – सकाळी १२ वाजता
उत्तर प्रदेश - बसप १०१, सप १९२, भाजप ४८ तर काँग्रेस ५१, अन्य ११ जागांवर आघाडीवरउत्तराखंड - काँग्रेस ३०, भाजप २७, बसप ६ तर अन्य ७पंजाब - काँग्रेस ५२, अकाली दल ६२, बसप ० तर अन्य ३गोवा- भाजप १७, काँग्रेस ५ तर अन्य ४ जागेवर आघाडीवरमणिपूर - काँग्रेस २३, भाजप १ तर अन्य १० पाच राज्यातील ट्रेंड – सकाळी ११ वाजता
उत्तर प्रदेश - बसप १०२, सप १८०, भाजप ४९ तर काँग्रेस ५२, अन्य १७ जागांवर आघाडीवरउत्तराखंड - काँग्रेस ३६, भाजप २५, बसप ५ तर अन्य ४ पंजाब - काँग्रेस ४८ अकाली दल ६१, बसप १ तर अन्य ७गोवा- भाजप १७, काँग्रेस ४ तर अन्य ४ जागेवर आघाडीवर मणिपूर काँग्रेस २१, भाजप २ तर अन्य ७ । पाच राज्यातील ट्रेंड – सकाळी १० वाजता
उत्तरप्रदेश - बसप ९४, सप १५०, भाजप ६५ तर काँग्रेस ५३, अन्य १२ जागांवर आघाडीवर उत्तराखंड -काँग्रेस २५, भाजप २९, बसप ६ तर अन्य ३पंजाबमध्ये काँग्रेस ३५, अकाली दल ६३, बसप १ तर अन्य १गोवा- भाजप १०, काँग्रेस ५ तर अन्य २ जागेवर आघाडीवरमणिपूर- काँग्रेस १५, भाजप ४ तर अन्य ५ पाच राज्यातील ट्रेंड- सकाळी ९ वाजता
उत्तर प्रदेशात मतमोजणीला सुरूवात झाल्यानंतर फेऱ्यांनुसार आलेल्या निकालांत सकाळी नऊ वाजेपर्यंत सप ६५, भाजप ५५, बसप-२३, काँग्रेस- १८, इतर ६ जागांवर आघाडीवर आहे.
पंजाबमध्ये काँग्रेस १२, अकाली दल ६ आघाडीवर आहे. गोव्यात भाजप १, काँग्रेस १ जागेवर आघाडीवर, उत्तराखंडमध्ये काँग्रेस १७, बसपा १२ , मणिपूर काँग्रेस २१, भाजप २०वर आघाडीवर आहे.
देशातील उत्तर प्रदेशसहित उत्तराखंड, पंजाब, मणीपूर आणि गोवा या पाच राज्यांमध्ये झालेल्या विधानसभा निवडणुकांची मतमोजणी सुरू झाली आहे. गोवा राज्यात भाजप आणि काँग्रेसला प्रत्येकी एका जागेवर आघाडी मिळाली आहे. तर युतीत सपा ४ जागांवर पुढे आहे.
या निकालातून उत्तर प्रदेशातील बसपाच्या मुख्यमंत्री मायावती, उत्तराखंडमधील भाजपचे मुख्यमंत्री बी. सी. खंडुरी, पंजाबमधील अकाली दलाचे मुख्यमंत्री प्रकाशसिंग बादल, मणीपूरचे कॉंग्रेसचे मुख्यमंत्री ओक्रम इबोबी सिंग आणि गोव्यातील कॉंग्रेसचे मुख्यमंत्री दिगंबर कामत यांच्या भवितव्याचा फैसला होईल. ही निवडणूक मिनी लोकसभा निवडणूकच मानली जात असल्याने अवघ्या देशाचे लक्ष या निकालाकडे लागले आहे.
पहिला निकाल सकाळी ९ वाजता अपेक्षित असून संध्याकाळी ६ वाजेपर्यंत पाचही राज्यांत ‘सत्ता’ कोणाची याचे चित्र स्पष्ट होईल. कॉंग्रेसने उत्तर प्रदेशची निवडणूक प्रतिष्ठेची केली होती. राहुल गांधी वर्षभर उत्तर प्रदेशात तळ ठोकून होते. पण एक्झिट पोल आणि राजकीय निरीक्षकांच्या अंदाजानुसार राहुल यांचा करिष्मा चालणार नाही. त्यामुळे निकालाकडे लक्ष लागले आहे.
उत्तर प्रदेशात बसपाचा ‘हत्ती’ की ‘सपा’ची ‘सायकल’ धावणार की पंजाबमध्ये शिरोमणी अकाली दल की कॉंग्रेस बाजी मारणार याची उत्सुकता आहे. उत्तराखंडमध्ये भाजपचे खंडुरी कार्ड चालणार की कॉंग्रेस सत्तेत येणार याची चर्चा आहे. गोव्यात ८१ टक्के मतदानाचा कौल कोणाला मिळणार याचीच जास्त उत्सुकता शिगेला पोहचली आहे. मणीपूरमध्ये कॉंग्रेस आणि मित्र पक्षांची वाट बिकट असल्याची परिस्थिती आहे.
उत्तर प्रदेश – ४०३, पंजाब – ११७, उत्तराखंड – ७०, गोवा – ४०, मणीपूर – ६० जागांसाठी ही मतमोजणी होत आहे. या निवडणुकीत दिग्गज् उमेदवारांचे भवितव्य पणाला लागणार आहे. त्यामुळे देशाचे लक्ष या निकालाकडे लागले आहे.
First Published: Tuesday, March 6, 2012, 19:52
