ब्लॅकबेरी झेड ३० स्वस्त होणार!

www.zee24taas.com, झी मीडिया, मुंबई

ब्लॅकबेरीच्या झेड १० या मोबाईल फोनला चांगलाच प्रतिसाद मिळत असतानाच, ब्लॅकबेरी इंडिया ही कंपनी ५ इंच स्क्रीनचा `झेड ३०` बाजारात आणत आहे. ब्लॅकबेरीचा झेड १० नंतर `झेड ३०` हा कमीकिमतीत मिळणार असल्याचं समजतंय.

ब्लॅकबेरी `झेड ३०` ची खासियत म्हणजे आतापर्यंतच्या ब्लॅकबेरी फोनमधील `सर्वांत मोठी स्क्रीन` असून ती ५ इंच आहे. फोनमधील कॅमेरा ८ मेगापिक्सल आणि फ्रण्ट कॅमेरा २ मेगापिक्सल आहे. ८८० एएएचची बॅटरी, २५ तास चालू शकते कारण त्यामध्ये नवीन अॅन्टीना तंत्रज्ञान आहे असा, कंपनीचा दावा आहे.

मोबाईलमध्ये १.७ जीएचझेड क्वड-कोअर स्नॅपड्रॅगॉन असून, एस४ प्रोसेसरवर चालतो. २ जीबी रॅमसोबत इंटरनल स्टोरेज १६ जीबी आहे, त्याला ६४ जीबी पर्यंत वाढवता येईल. तसेच आता थर्ड पार्टी अॅप्सचे `झेड ३०` च्या बीबीएमवर नोटीफिकेशन मिळेल.





• इतर ताज्या बातम्या सदैव पाहण्यासाठी झी २४ तासला फेसबुकवर जॉइंन करा.

• झी २४ तासला ट्विटरवर फोलो करा.