Last Updated: Saturday, November 24, 2012, 15:45
www.24taas.com, मुंबईटॉस जिंकून भारताने प्रथम बॅटींगचा निर्णय घेतला. मात्र हा निर्णय भारताच्या अगंलट येणार असंच दिसते आहे. इंग्लंडच्या स्पिर्नसने भारताला अडचणीत आणायला सुरुवात केली. ४३ चेंडूत चार चौकारासह ३० धावावर खेळणा-या सेहवागला त्याने चकवत त्रिफळाचित केले. त्यानंतर त्याच्या जागेवर आलेल्या सचिन तेंडुलकरला त्याने स्थिरावून दिले नाही. त्यालाही केवळ ८ धावावर पानेसरने त्रिफळाचित केले.
भारतानं टॉस जिंकून प्रथम फलंदाजीचा निर्णय घेतला आहे. मुंबईतल्या वानखेडे स्टेडियमवर आजपासून भारत विरूद्ध इंग्लड दुसरा कसोटी सामना खेळला जात आहे. भारताने ५ षटकात १ बाद ११ धावा केल्या आहेत. वीरेंद्र सेहवाग आणि चेतेश्वर पुजारा खेळत आहेत.
गौतम गंभीर आज ४ धावांवर जेम्स अंडरसनच्या गोलंदाजीवर पायचित झाला. दरम्यान, आपला १०० वा कसोटी सामना खेळणा-या सेहवागने आज चौकाराने सुरुवात केली. टीम इंडियाचा कर्णधार महेंद्रसिंग धोनी याने तीन फिरकी गोलंदाजांना संधी दिली आहे. ऑफस्पिनर हरभजनसिंगला संघात घेण्यात आले आहे.
मागील कसोटीत चांगली कामगिरी करणा-या अश्विन-ओझा जोडी कायम ठेवत धोनीने हरभजनलाही या कसोटीत संधी दिली आहे. भज्जीची ही ९९ वी कसोटी आहे. वेगवान गोलंदाज उमेश यादव जखमी झाल्याने त्याला विश्रांती देण्यात आली आहे.
First Published: Friday, November 23, 2012, 10:23
