दि्ल्लीतील बलात्कारप्रकरणी मनोजला कोठडी

www.24taas.com, नवी दिल्ली

दिल्लीतल्या चिमुरडीवरील बलात्कारप्रकरणी आरोपी नराधम मनोजला न्यायालयीन कोठडी सुनावण्यात आलीय. दिल्लीतल्या कडककड्डमा कोर्टानं या नराधमाला ४ मे पर्यंत न्यायलीन कोठडी सुनावलीय.

बिहारमधून त्याला दिल्लीत आणल्यानंतर पोलीस उपायुक्तांच्या ऑफिसमध्ये त्याची चौकशी सुरु होती. ओळख परेडनंतर त्याला न्यायालयीन कोठडीत पाठवण्यात आलंय.

दिल्लीत चिमुरडीवर झालेल्या बलात्कारानंतर आंदोलन सुरूच आहे. ७ रेसकोर्स रोड येथील पंतप्रधान निवासस्थानाबाहेर आंदोलन सुरू असताना बळजबरीनं आंदोलकांना बळजबरीनं हटवण्यात आलं.

आंदोलनाची शक्यता लक्षात घेऊन सुरूवातीपासूनच सुरक्षा वाढवण्यात आली होती. रात्री उशिरासुद्धा पंतप्रधानांच्या निवासस्थानाबाहेर जोरदार निदर्शनं करण्यात आली.