`राज आणि मला एकत्र बसवून विचारा`, एकत्र येणार का?

www.24taas.com, मुंबई

मनसेसोबत एकत्र येण्याचे संकेत उद्धव ठाकरेंनी दिले आहेत. शिवसेना पक्षप्रमुखपद स्वीकारल्यानंतर सामना वृत्तपत्राला दिलेल्या प्रदीर्घ मुलाखतीत त्यांनी हे संकेत दिले आहेत. उद्धव-राज एकत्र येतील काय? या प्रश्नावर उद्धव ठाकरेंनी, हा प्रश्न आम्हाला दोघांना एकत्र बसवून विचारा.

या प्रश्नाचे उत्तर दोघांना एकत्र देऊ द्या. असं दिलं. तसंच कोणी शिवसेनेसोबत मनापासून येणार असतील तर त्यांचे स्वागत आहे. असंही त्यांनी यावेळी मुलाखतीत सांगितलं. मराठी मतांच्या विभागणीबद्दल बाळासाहेब ठाकरेंनी आपल्या शेवटच्या भाषणात व्यक्त केलेली खंतही यावेळी उद्धव ठाकरेंनी बोलून दाखवली.

एकत्र येण्याचे संकेत शिवसेना पक्षप्रमुख उद्धव ठाकरेंनी दिल्यानंतर आता मनसे अध्यक्ष राज ठाकरे कोणती भूमिका मांडणार. याबाबत उत्सुकता लागली आहे. उद्धव ठाकरेंच्या निर्णयावर त्यांचे पी.ए. मिलिंद नार्वेकरांचा प्रभाव असतो. अशी नेहमी चर्चा असते. याबाबतही उद्धव ठाकरेंनी आपली भूमिका स्पष्ट केली.