टॅब्लेटचे वर्ष 2012

२०१२ हे वर्ष टॅब्लेटसाठी खास ठरले आहे. यावर्षी बाजारात विविध प्रकाराचे आणि अनेक कंपन्यांचे टॅब्लेट बाजारात आलेत. त्यामुळे या वर्षात टॅब्लेटचाच जास्त बोलबोला सुरू आहे. टॅब्लेट खरेदी करण्यासाठी यामुळे स्पर्धा निर्माण झाली.

अॅपलचा आयपॅड बाजारात आला. सॅमसंगचा गॅलॅक्सी नोट टॅब्लेट. अशी नावे तरूणांमध्ये लोकप्रिय झालीत. गेल्या काही महिन्यात प्रसिद्ध नसलेल्या कंपन्यांनी तयार केलेल्या टॅब्लेट्सचा भारतीय बाजारात अक्षरशः पूर आला असून भारतीय ग्राहकांकडून या टॅब्लेट्ना चांगली मागणीही आहे. अमेझॉनचे किंडल फायर, गुगल नेक्ससस 7 आणि सॅमसंग गॅलॅक्सी आदींमुळे अपलच्या आयपॅडला मोठी स्पर्धा निर्माण झाली आहे.

आता ग्राहकांकडूनही या टॅब्लेट्सना मोठी मागणी आहे. विम्यासारख्या क्षेत्रांकडून टॅब्लेटचा वापर सुरू करण्यात आला आहे तसेच शैक्षणिक संस्थांकडूनही टॅब्लेट्समध्ये विशेष रूची दाखविण्यात येत आहे. त्यात भारतीय बनावटीचा आकाशही बाजारात आला. ३१ मार्चपर्यंत सुमारे तीन लाख टॅब्लेटस विकले गेले आहेत आणि यंदा त्यात २५ टक्के वाढ होईल असे संकेतही मिळत आहेत.

भारतीय बाजारपेठेत २०१७ पर्यंत २ कोटी ३४ लाख टॅब्लेट्सची विक्री होईल असा अंदाज व्यक्त केला आहे. माइक्रोसॉफ्ट आपला दबदबा कायम ठेवत टॅब्लेटच्या विश्वात पाऊल टाकले. सात इंटापासून टॅब्लेट तयार होवू लागलेत. मात्र, केवल टॅब्लेट असून काही उपयोग नाही. त्यामुळे छोट्या कंपन्यांनी अप्स तयार केलेत.