गोपीनाथ मुंडे यांचे कार अपघातानंतर निधन

www.24taas.com, झी मीडिया, नवी दिल्ली

भाजपचे नेते केंद्रीय ग्रामविकासमंत्री गोपीनाथ मुंडे यांच्या गाडीला अपघात झाला असून त्यांना एम्स रुग्णालयात दाखल करण्यात आले होते.त्यांचे
रुग्णालयात सकाळी 8 वाजता निधन झाले.

लोकसभा निवडणुकीतील यशानंतर त्यांच्या कर्मभूमीत अर्थात बीडमधील परळीमध्ये आज संध्याकाळी गोपीनाथ मुंडेंचा नागरी सत्कार होणार होता. मात्र मुंडेंच्या अपघाताची बातमी कळल्यानंतर परळीमध्ये शोकाकुल वातावरण आहे.



UP DATE - दिल्ली अपघातानंतर

रात्री ११ वाजून ४२ मिनिटे

भाजपचे ज्येष्ठ नेते गोपीनाथ मुंडे यांचे पार्थिव विशेष विमानाने लातूरला नेण्यात येईल. तिथून मुंडेंच्या मूळ गावी बीडमधील परळी या गावात उद्या संध्याकाळी 4 वाजता, पार्थिवावर अंत्यसंस्कार करण्यात येतील.

रात्री १० वाजून २२ मिनिटे

गोपीनाथ मुंडे यांच्या पार्थिव अंत्यदर्शन भाजप मुख्यालयात रात्री १२ वाजेपर्यंत ठेवण्यात येणार
रात्री ९ वाजून ०६ मिनिटे

गोपीनाथ मुंडे यांचे पार्थिव मुंबईतील भाजप कार्यालयात अंत्यदर्शनासाठी ठेवण्यात आले.


सायंकाळी ७ वाजून ५३ मिनिटे

- गोपीनाथ मुंडे यांचे अंत्यदर्शन घेण्यासाठी राजकीय नेते, अभिनेते, समाजकारणी, पूर्णामध्ये दाखल.


सायंकाळी ७ वाजून ४६ मिनिटे
ग्रामविकास मंत्री गोपीनाथ मुंडे यांच्या पार्थिव मुंबईतील वरळी येथील पूर्णा निवास्थानी अॅम्ब्युलन्सने आणण्यात आले.


सायंकाळी ७ वाजून ३० मिनिटे
* ग्रामविकास मंत्री गोपीनाथ मुंडे यांच्या पार्थिवाचे दर्शन घेण्यासाठी शिवसेनेचे पक्षप्रमुख उद्धव ठाकरे, युवा सेना अध्यक्ष आदित्य ठाकरे मुंबईतील वरळी येथील पूर्णा निवास्थानी दाखल.

- राज ठाकरे, प्रफुल्ल पटेल पूर्णा येथे दाखल

सायंकाळी ६ वाजून ५१ मिनिटे

दिल्लीतून विशेष विमानातून गोपीनाथ मुंडे यांचे पार्थिव मुंबईत दाखल. मुंबई विमानतळावरून पूर्णा या मुंबईतील निवासस्थानी मुंडेचे पार्थिव नेणार.


दुपारी ५ वाजून ३३ मिनिटे

• अपघातात इतर दुसरा अँगल असल्यास त्याची चौकशी पोलिस करीत आहे – दिल्ली पोलिस

• घातपाताची शक्यता आहे का याची चौकशी करण्यासाठी इंटलिजन्स ब्युरोचा स्पेशल सेल स्थापन केला आहे – दिल्ली पोलिसांची कोर्टात माहिती.

दुपारी ५ वाजून १२ मिनिटे

• चालक गुरूविंदर सिंग याला पटियाला हाऊस कोर्टाने दिला जामीन. ३० हजाराच्या जात मुचलक्यावर झाली सुटका. आरोपीनेच अपघात झाल्याचे पोलिसांना कळवले होते.

दुपारी ४ वाजून ३३ मिनिटे

• चालक गुरूविंदर याच्याविरोधात निष्काळजीपणे गाडी चालविण्याची गुन्हा दिल्ली पोलिसांनी नोंदविला आहे. ग्रामविकास मंत्री गोपीनाथ मुंडे यांच्या गाडीला या गुरूविंदरने धडक मारली होती.

• दिवंगत नेते गोपीनाथ मुंडे यांचे पार्थिवाला दिल्ली विमानतळावर गार्ड ऑफ ऑनर देण्यात आले. त्याचे पार्थिव मुंबईसाठी रवाना झाले.

• गोपीनाथ मुंडे यांचे पार्थिव दिल्ली विमानतळावर दाखल, पार्थिव मुंबईला नेणार.

• पंतप्रधान नरेंद्र मोदी यांनी भाजप मुख्यालयात जाऊन, गोपीनाथ मुंडे यांना आदरांजली वाहिली.



* दिल्ली भाजप मुख्यालयात थोड्याच वेळात पार्थिव आणणार
* दुपारी दोन वाजता पार्थिव मुंबईत आणणार
* मुंबईत पूर्णा निवासस्थानी पार्थिव अंत्यदर्शनाला
* पूर्णानंतर मुंबईतल्या भाजप प्रदेश कार्यालयात पार्थिव
* रात्रभर प्रदेश कार्यालयात अंत्यदर्शन
* सकाळी सात वाजता पार्थिव विमानानं परळीला नेणार
* परळीत उद्या संध्याकाळी साडे चार वाजता अंत्यसंस्कार

2.05 Pm - काँग्रेस नेते राहुल गांधींनी घेतलं गोपीनाथ मुंडे यांचं अंतिम दर्शन

1.50 pm - उपराष्ट्रपती हमीद अन्सारी, पी. ए. संगमा, रामविलास पासवान,

1.35 pm - पंतप्रधान नरेंद्र मोदी, गृहमंत्री राजनाथ सिंह, विनोद तावडे यांनी घेतली मुंडेचं अंतिम दर्शन... मोदींनी केलं पंकजा मुंडेंचं सांत्वन

1.17 pm - मुंडे यांच्या अंतिम दर्शनासाठी दिल्लीत संघाचे सरसंघचालक मोहन भागवत, स्मृती इराणी, लालकृष्ण आडवणी, व्यंकय्या नायडू, नितीन गडकरी, सुषमा स्वराज उपस्थित

12.30 pm - मुंडेंच्या गाडीला धडक देणा-या ड्रायव्हरला अटक

12.15 pm - नितीन गडकरी दिल्लीच्या आयजीआय विमानतळावरून मुंडे कुटुंबीयांना घेऊन भाजपा कार्यालयात दाखल झाले. इथंच मुंडे यांचं पार्थिव शरीर अंत्यदर्शनासाठी ठेवण्यात येणार आहे.

11.45 am - मुख्यमंत्री पृथ्वीराज चव्हाण यांनी मीडियासमोर येऊन गोपीनाथ मुंडे यांना श्रद्धांजली वाहिली. मित्रांचे मित्र, उत्कृष्ट वक्ते आणि सामान्य घरातून येऊनही ते केंद्रातील मंत्रिपदी विराजमान झाले होते... काँग्रेस पक्षाच्यावतीन मी त्यांना श्रद्धांजली वाहतो आणि त्यांच्या अकस्मित निधनानं सगळ्यांनाच धक्का बसलाय. त्यांच्या कुटुंबीयांना हा धक्का पचवण्याचं सामर्थ्य देण्यासाठी मी देवाकडे प्रार्थना करतो... - पृथ्वीराज चव्हाण

11.40am - पंतप्रधानांचे आजचे सगळे कार्यक्रम रद्द... संध्याकाळी कॅबिनेट बैठक बोलाविली

11.30 am - गोपीनाथ मुंडे यांचे कुटुंबीय दिल्लीमध्ये दाखल

11.00 am - मुंडे यांच्या निधनानं बीड जिल्ह्यावर शोककळा... बीड, परळीमध्ये बंद घोषित

10.45 am - गोपीनाथ मुंडे यांच्या निधनाने राष्ट्रध्वज अर्ध्यावर उतरवला.

10.40 am -सरसंघचालक मोहन भागवत मुंडेंच्या पार्थिवाचे अंत्यदर्शन घेणार. भाजपचे अन्य वरिष्ठ नेतेही दिल्ली कार्यालयात दाखल.

10.40 am -सरसंघचालक मोहन भागवत मुंडेंच्या पार्थिवाचे अंत्यदर्शन घेणार. भाजपचे अन्य वरिष्ठ नेतेही दिल्ली कार्यालयात दाखल.

10. 25 am - दिल्लीत सकाळी फारशी वर्दळ नसताना हा अपघात होणे दुर्दैवी. मात्र हा अपघात संशयास्पद वाटत असल्याचे याची चौकशी व्हावी. भाजप आमदार प्रकाश शेडगे यांची मागणी.

10.15 am- मुंडेच्या निधनानंतर महाराष्ट्रावर शोककळा.बीड जिल्ह्यातील गावांमध्ये शुकशुकाट.

10.01 am- राष्ट्रपती प्रणव मुखर्जींनी केंद्रीय मंत्री गोपीनाथ मुंडेंच्या निधनावर व्यक्त केला शोक.

10.00 am- गोपीनाथ मुंडेंचे निधन राज्यासाठी धक्कादायक. मनसेअध्यक्ष राज ठाकरेंनी मुंडेच्या निधनावर व्यक्त केला शोक.

9.17 am- गोपीनाथ मुंडेंच्या गाडीला धकड देणारा वाहनचालक ताब्यात. अपघात कसा झाला याविषयी चालकाची कसून चौकशी सुरु. दिल्ली पोलिसांची माहिती.

9.00 am - पंतप्रधान नरेंद्र मोदींनी दिली गोपीनाथ मुंडेना श्रध्दांजली. मुंडेच्या निधनाने देशाचे मोठे नुकसान. मोदींनी ट्विटरद्वारे दिली श्रध्दांजली.

8.30 am - गोपीनाथ मुंडे यांची मुलगी पंकजा पालवे-मुंडे, जावई आणि इतर कुंटुबीय दिल्लीला जाण्यासाठी रवाना

8.25 am- डॉक्टरांनी मेडिकल बुलेटीन जाहीर केलं. गाडीला अपघात झाल्यानंतर त्यांना सफदरजंग हॉस्पीटलमध्ये हलवण्यात आलं होतं... त्यांच्या शरीरावर कुठलीही जखम झाली नव्हती. पण, गाडीला अपघात झाल्यानंतर मुंडे यांना हृदयविकाराचा तीव्र धक्का बसला. खूप गंभीर परिस्थितीत त्यांना हॉस्पीटलमध्ये आणलं गेलं होतं. डॉक्टरांनी शर्थीचे प्रयत्न केले पण मुंडे यांना वाचविण्यात अपयश आल्याचं डॉक्टरांनी सांगितलं.

8.15 am - केंद्रीय ग्रामविकास मंत्री गोपीनाथ मुंडे यांचे निधन. भाजप नेते नितीन गडकरी यांनी मीडियाला दिली माहिती

8.00 am - भाजप नेते नितीन गडकरी आणि डॉ. हर्षवर्धन यांनी एम्स रुग्णालयाच्या बाहेर मीडियासमोर येऊन गोपीनाथ मुंडे यांचा मृत्यू झाल्याचं घोषित केलं. निधनाचे वृत्त समजताच कार्यकर्त्यांनी परळीतील मुंडे यांच्या घरी गर्दी केलेय.

7.45 am - महाराष्ट्रातील भाजपचे नेते दिल्लीच्या दिशेने रवाना. भाजप नेते नितीन गडकरी एम्स रुग्णालयात दाखल. ट्रॉमा सेंटरमध्ये दाखल

7.30 am - दिल्लीत केंद्रीय मंत्री गोपीनाथ मुंडे यांच्या गाडीला अपघात. अपघातात मुंडे गंभीर जखमी. मुंडे महाराष्ट्रात येण्यासाठी दिल्ली विमानतळाकडे जात असताना अपघात.

6.45 am - सकाळी 6.45 वाजता इंडिगो कारने गोपीनाथ मुंडे यांच्या गाडीला जोरदार टक्कर दिली. अरविंदो मार्गावर इंडिगो कराने धडक दिली.


केंद्रीय मंत्रीपदाची जबाबदारी आल्यानंतर मुंडे यांनी आपल्या खात्याचे काम सुरू केले आहे. गेल्या काही दिवसांपासून ते दिल्लीत ठाण मांडून होते. औरंगाबाद येथे आज होणाऱ्या कार्यक्रमासाठी ते महाराष्ट्राकडे निघाले होते. बोराळकरांचा पदवीधर मतदारसंघात अर्ज दाखल करण्यासाठी ते हजर राहणार होते... मराठवाड्यात ठिकठिकाणी त्यांच्या जंगी स्वागताचीही तयारी करण्यात आली होती. सकाळी साडेसहाच्या सुमारास आपल्या लोधी रोडवरील निवासस्थानावरून ते दिल्ली विमानतळाकडे निघाले असताना त्यांच्या गाडीला अपघात झाला. यात ते गंभीर जखमी झाले. गाडीचा चालकही गंभीर जखमी झाला.




* इतर ताज्या बातम्या सदैव पाहण्यासाठी झी २४ तासला फेसबुकवर जॉइंन करा.

* झी २४ तासला ट्विटरवर फोलो करा.