आपलं नाव शोधण्यासाठी आणि मतदान करण्यासाठी आवश्यक असलेल्या काही गाईडलाईन्स खास आपल्यासाठी. मतदारांना गाईडलाईनचा फायदा मतदार यादीमध्ये नाव शोधण्यासाठी नक्कीच होईल. जाणून घ्या मतदानासाठीची गाईडलाईन्स.
मुंबईत शिवसेना आणि महाराषट्र नवनिर्माण सेनेचे कार्यकर्ते आमने-सामने आल्यानं काही काळ तणाव निर्माण झाल्याने राडा होण्याची शक्यता होती. मात्र, पोलिसांनी तात्काळ हस्तक्षेप केल्याने वातावरण शांत झाले.
मुंबईचा महापौर हा महायुतीचाच होईल, असा विश्वासही त्यांनी व्यक्त केला आहे. यावेळी त्यांनी मुख्यमंत्री पृथ्वीराज चव्हाण, शरद पवार यांच्यावर जोरदार टीका केली. पण त्याच बरोबर बाळासाहेूबांनी त्यांच्या घराणेशाही विषय पुन्हा एकदा मांडला. पुन्हा पुन्हा बाळासाहेबांना त्यांच्या घराणेशाहीवर स्पष्टीकरण द्यावे लागत आहे.
बाळासाहेब म्हणतात, राज ठाकरेने एक पाऊल पुढे टाकायला हवे, तर मी सांगतो बाळासाहेब तुमच्यासाठी मी १०० पाऊले टाकायला तयार आहे. पण उद्धव आणि त्याच्या चार-पाच नादान टाळक्यांसाठी एक पाऊलही टाकायची तयारी नाही, असे परखड मत महाराष्ट्र नवनिर्माण सेनेचे अध्यक्ष राज ठाकरे यांनी आज येथे व्यक्त केले.
नाशिकमध्ये कालच्या सभेत राज ठाकरेंनी भुजबळांवर जोरदार हल्ला चढवला होता. त्यामुळं घायाळ भुजबळ आज नाशिकमध्ये प्रचारसभा घेणार आहेत. या सभेत भुजबळ राज यांचा हिशोब चुकता करणार यात शंका नाही. त्यामुळं छगन भुजबळ काय बोलणार याबाबत सर्वांनाच उत्सुकता लागली आहे.
मुंबई महापालिका निवडणुकीच्या रणधुमाळीत आज ख-या अर्थानं रंगत येणार आहे. मुंबईत आज शिवसेनाप्रमुख बाळासाहेब ठाकरे आणि मनसे अध्यक्ष ठाकरे आमने-सामने उभे ठाकणार आहेत.
महाराष्ट्र नवनिर्माण सेनेचे अध्यक्ष राज ठाकरे यांनी आज नाशिक महानगरपालिकेच्या प्रचाराच्या निमित्ताने नाशिकमध्ये सभा घेतली, आणि पालिका निवडणुकीच्या निमित्ताने एकच एल्गार केला.
मनसे अध्यक्ष राज ठाकरे यांना गेले काही दिवस मुंबईतील प्रचाराच्या सभेसाठी हवे असणारे मैदान यासाठी बऱ्याच मोठ्या प्रमाणावर झगडावे लागले होते. अखेर राज ठाकरे यांना सभेसाठी मैदान मिळाले आहे. उद्या म्हणजे १३ तारखेला प्रचाराच्या समारोपाची सभा जांबोरी मैदानातच होणार आहे.
नाशिक शहरात आज मनसेचे अध्यक्ष राज ठाकरे आणि युवासेनेचे आदित्य ठाकरे यांनी रोड शोद्वारे प्रचार केला. राज ठाकरे यांनी नेहमीप्रमाणे बंद काचांमधून नाशिक रोड, जेल रोड, इंदिरानगर, सिडको परिसरात रोड शो केला. तर आदित्य ठाकरेंनी ओपन जीपमधून शहरात प्रचार केला.
काम कसे करायचे याची झलक पाहायची असेल तर माझ्या हातात सत्ता द्या, मी नवा पर्याय दिला आहे. पुण्याच्या विकासासाठी मला सत्ता द्या, असे आवाहन करताना महाराष्ट्र नवनिर्माण सेनेचे अध्यक्ष राज ठाकरे यांनी करत आघाडी, युतीवर हल्लाबोल जोरदार हल्लाबोल चढवला.
येत्या महापालिका निवडणुकीत मनसे अध्यक्ष राज ठाकरे किंगमेकरची भूमिका वठवतील. मुंबई पोलीस आणि राज्य गुप्तचर विभाग यांनी महापालिका निवडणुकीचा सर्व्हे रिपोर्ट तयार केला त्यात हे मांडण्यात आलं आहे.
शरद पवारांना आजकाल कोंबडी आणि तंगड्यांशिवाय काही दिसत नाही असा सवाल करत उद्धव ठाकरेंनी नाशिकमध्ये आपल्या प्रचाराचा धडाका सुरू केला. सोनेरी कोंबडी कलानगरच्या खुराड्यातून बाहेर काढा याला प्रत्युत्तर देताना उद्धव यांनी शरद पवारांचा चांगलाच समाचार घेतला.
राज ठाकरे यांनी काँग्रेस आणि शिवसेनेत निवडणुकीच्या निमित्ताने साटंलोट असल्याचं आपल्या भाषणात सूचित केलं. ते ठाणे महापालिकेच्या निवडणुकीसाठी सेंट्रल मैदानातील जाहीर सभेत बोलत होते.
करून दाखवलं करून दाखवलं, हा काय भांगडा आहे की काय, करायचं काही नाही आणि म्हणे करून दाखवलं. आता हेलिकॉप्टरमधून फिरायचं आणि म्हणा वरून दाखवलं, अशा कडक शब्दात महाराष्ट्र नवनिर्माण सेनेचे अध्यक्ष राज ठाकरे यांनी शिवसेनेच्या करून दाखवलं या कॅम्पेनवर तोंडसुख घेतलं.
ठाकरे-राणे परिवाराच्या दुसऱ्या पिढीत आता चांगलीच जुंपली आहे. आदित्य ठाकरे यांनी नितेश राणेंना कोंबडी म्हटले तर नितेश राणे यांनी आदित्य ठाकरे यांना सेनेचा मिकीमाऊस म्हणून जोरदार पलटवार केला आहे.
मुंबईत शिवाजी पार्कवर सभेसाठी कोर्टाकडून परवानगी नाकारण्यात आल्यावर राज काय बोलतात याबाबत उत्सुकता आहे. दुसरीकडे खासदार आनंद परांजपेंच्या राष्ट्रवादीशी झालेल्या सलगीनंतर शनिवारी बाळासाहेब काय बोलतात याबाबतही तर्कवितर्क लढवण्यात येतायत. त्यामुळे या दोन्ही दिग्गज ठाकरेंच्या ठाण्यातल्या सेंट्रल मैदानातल्या सभेवर सा-यांच्या नजरा असणार आहेत.
मुंबईत गेल्या १६ वर्षापासून शिवसेना-भाजप युतीची सत्ता आहे, परंतु त्यांच्यामुळे मुंबई बकाल झाली. मुंबईत पर्यटकांची संख्या कमी झाली असून मुंबईत आता परिवर्तनाची गरज असल्याचा घणाघाती टोला राष्ट्रवादी काँग्रेसचे अध्यक्ष शरद पवार यांनी आज आघाडीच्या सभेत हाणला.
मुंबई महापालिकेवर सत्तेत असलेल्या महायुतीने आज आपला वचननामा जाहीर करून मुंबईकरांवर आश्वासनांचा पाऊस पाडला आहे. शिवसेना भवनात आयोजित एका पत्रकार परिषदेत महायुतीने हा वचननामा जाहीर केला.
शिवाजी पार्कमध्ये सभा घेण्यासाठीची मनसेची याचिका सुप्रीम कोर्टानं फेटाळली आहे. हायकोर्टानं मनसेला शिवाजी पार्कवर सभा घेण्यासाठी परवानगी नाकारल्यानंतर मनसेनं सुप्रीम कोर्टात धाव घेतली होती.
कोल्हापूरमधील कागल तालुक्यातील हसूर खुर्द येथील मतदान केंद्रांवर यंत्रात बिघाड झाल्याने गोंधळ निर्माण झाला. मतदाराने कोणतेही बटण दाबले, तरी राष्ट्रवादी काँग्रेसचे चिन्ह असलेल्या घड्याळ्यालाच मत पडत असल्याचा प्रकार लक्षात आल्यानंतर, गावकऱ्यांनी गोंधळ घातला.
जिल्हा परिषद निवडणुकीच्या पार्श्वभूमीवर नागपुरात मोठ्या प्रमाणात दारु पकडण्यात आली.
जळगावचे पालकमंत्री गुलाबराव देवकरांच्या भावासाठी पैसे वाटताना राष्ट्रवादीच्या 3 कार्यकर्त्यांना अटक करण्यात आली.
भाजप नेते गोपीनाथ मुंडे यांनी झेडपीच्या निवडणूक प्रचारात वीजचोरीचं समर्थन करणारं खळबळजनक विधान केलं आहे. एवढंच नव्हे तर त्यांचे परम मित्र समजल्या जाणाऱ्या विलासरावांची नक्कल करत त्यांच्यावर टीकाही केली आहे.
आम चुनाव 2014